ຂ່າວ

ວັນທີ 18 ສິງຫາ 2025 ນີ້, ກະຊວງປ້ອງກັນປະເທດ ຮ່ວມກັບ ກະຊວງສຶກສາທິການ ແລະ ກິລາ ໄດ້ຈັດພິທີ ເປີດຊຸດອົບຮົມວິຊາຄູຊັ້ນປະຖົມສຶກສາໃຫ້ພະນັກງານ-ນັກຮົບ ເພື່ອໄປຊ່ວຍສອນຢູ່ເຂດຫ່າງໄກສອກຫຼີກ ຊຸດທີ III ຢ່າງເປັນທາງການ ຢູ່ວິທະຍາໄລເຕັກນິກວິຊາຊີບແບບປະສົມແຂວງຊຽງຂວາງ, ໂດຍການເປັນປະທານຮ່ວມຂອງທ່ານ ພົນຕີ ໄພວັນ ຈັນທະພົມມາ ຮອງຫົວໜ້າກົມໃຫຍ່ການເມືອງກອງທັບ, ທ່ານນາງ ວົງເດືອນ ໂອໃສ ຫົວໜ້າກົມສ້າງຄູ ກະຊວງສຶກສາທິການ ແລະ ກິລາ. ໂອກາດນີ້, ທ່ານ ພັນເອກ ພົງສຸລິຍາ ເພັງຄູນ ຫົວໜ້າກົມໂຮງຮຽນ ກົມໃຫຍ່ເສນາທິການກອງທັບ ໄດ້ກ່າວວ່າ: ສໍາລັບເນື້ອໃນເອກະສານ ແລະ ບົດສອນທີ່ນໍາມາອົບຮົມໃນຄັ້ງນີ້ ປະກອບມີ: ການສອນຊັ້ນປະຖົມສຶກສາ ແລະ ພາບລວມຂອງຫຼັກສູດ, ການສອນພາສາລາວ, ການສອນຄະນິດສາດ, ການສອນວິທະຍາສາດ, ການແຕ່ງບົດສອນ, ສອນທົດລອງ ແລະ ປະເມີນລວມເຖິງການໃຫ້ຄະແນນ. ການເຝິກອົບຮົມໃນຄັ້ງນີ້ ມີສຳມະນາກອນເຂົ້າຮ່ວມ ທັງໝົດ 117 […]

ກະຊວງສຶກສາທິການ ແລະ ກິລາ (ສສກ) ໄດ້ຈັດກອງປະຊຸມກອງຜູ້ບໍລິຫານສະຖານການສຶກສາຄູ ປະຈໍາປີ 2024 ແລະ ທິດທາງແຜນການ ປະຈໍາປີ 2025 ເພື່ອເປັນການສະຫຼຸບ ແລະ ຕີລຄາວຽກງານການເຄື່ອນໄຫວຜ່ານມາ ພ້ອມວາງທິດທາງແຜນການຕໍ່ໜ້າ ແນໃສ່ເຮັດໃຫ້ວຽກງານເປັນຕາມແຜນທີ່ກຳນົດໄວ້.            ກອງປະຊຸມດັ່ງກ່າວ, ໄດ້ຈັດຂຶ້ນເມື່ອບໍ່ດົນມານີ້ ທີ່ຫ້ອງປະຊຸມຕຶກໄອຊີທີ ກະຊວງສຶກສາທິການ ແລະ ກິລາ ໂດຍພາຍໃຕ້ການເປັນປະທານຂອງທ່ານ ຮສ.ປອ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ, ມີທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ ຮສ ວົງເດືອນ ໂອໄສ ວ່າການແທນຫົວໜ້າກົມສ້າງຄູ ສສກ, ບັນດາຫົວໜ້າກົມ-ຮອງຫົວໜ້າກົມ, ຮອງຫົວໜ້າຫ້ອງການ, ສະຖາບັນ, ສູນພາຍໃນກະຊວງ, ຫົວໜ້າ-ຮອງຫົວໜ້າພະແນກສຶກສາທິການ ແລະ ກິລາ

ທີມງານຊ່ຽວຊານ ໄດ້ສໍາເລັດການລົງສໍາຫຼວດສະຖານທີ່ຈະປຸກສ້າງ ແລະ ປັບປຸງ ສູນພັດທະນາຄູ ໃນ 7 ແຂວງຄື: ແຂວງ ຜົ້ງສາລີ, ບໍ່ແກ້ວ, ອຸດົມໄຊ, ຫົວພັນ, ໄຊຍະບູລີ, ຄໍາມ່ວນ, ເຊກອງ ແລະ ອັດຕະປື ຄັ້ງທີ 1 ໃນເດືອນ ກຸມພາ ຫາ ມີນາ 2024 ແລະ ໄດ້ຮ່ວມເຮັດວຽກກັບ ກົມວິຊາການທີ່ກ່ຽວຂ້ອງ ພ້ອມທັງໄດ້ເຊັນບົດບັນທຶກເບື້ອງຕົ້ນ ຂອງໂຄງການ ຕໍ່ກັບ ຜົນໄດ້ຮັບຈາກການສໍາຫຼວດເກັບກໍາຂໍ້ມູນ ຢູ່ແຕ່ລະແຂວງ ໃນວັນທີ 30 ມີນາ 2024 ໂດຍທ່ານ ຫົວໜ້າຫ້ອງການກະຊວງ; ຈາກນັ້ນ, ໂດຍອີງຕາມການສະເໜີ ຂອງກົມວິຊາການຂັ້ນກະຊວງ ໃນໄລຍະປະຊຸມຮ່ວມກັນຄັ້ງທີ 1 ໄດ້ສະເໜີຂໍເພີ່ມອີກ 2 ແຂວງ, ຈາກ 7 ແຂວງ ເປັນ 9 ແຂວງ, ເຊິ່ງ JICA

         ວັນທີ 8 ສິງຫານີ້, ພິທີມອບຮັບອຸປະກອນໂຄງການຍົກສູງຄຸນນະພາບ ແລະ ຄວາມສາມາດຂອງຄູຊົນນະບົດໃນລາວ ໄດ້ຈັດຂຶ້ນຢູ່ນະຄອນຫຼວງວຽງຈັນ ແຫ່ງ ສປປ ລາວ ຢ່າງເປັນທາງການ ໂດຍ ສປ ຈີນໄດ້ມອບປື້ມຄູ່ມື “ບົດແນະນຳການກໍ່ສ້າງລະບົບການສຶກສາ ແລະລະບົບການຝຶກອົບຮົມ ສໍາລັບຜູ້ອໍານວຍການ ແລະຄູອາຈານ ໃນໂຮງຮຽນປະຖົມແລະມັດທະຍົມໃນ ສປປ ລາວ”, “ປຶ້ມຄູ່ມືຝຶກອົບຮົມ ສຳລັບຜູ້ອໍານວຍການ ໃນໂຮງຮຽນປະຖົມ ແລະ ມັດທະຍົມໃນ ສປປ ລາວ” ແລະ “ປຶ້ມຄູ່ມືຝຶກອົບຮົມສໍາລັບຄູ ອາຈານໃນໂຮງຮຽນ ປະຖົມ ແລະມັດທະຍົມ ໃນ ສປປ ລາວ”, ທັງໝົດນີ້ ເປັນຂີດໝາຍອັນໃໝ່ໃນການຮ່ວມມືລະຫວ່າງສອງປະເທດໃນຂົງເຂດການສຶກສາ. ພິທີມອບ-ຮັບດັ່ງກ່າວໄດ້ຈັດຂຶ້ນທີ່ກະຊວງສຶກສາທິການ ແລະກິລາຂອງລາວ. ປູສີມາລາວົງ, ລັດຖະມົນຕີວ່າການກະຊວງສຶກສາທິການ ແລະ ກິລາລາວ, ທ່ານ ສອນໄຊ ສີພັນດອນ ຮອງປະທານຄະນະກຳມາທິການການຮ່ວມມືລາວ-ຈີນ, ທ່ານ ຟາງຮົ່ງ, ເອກອັກຄະລັດຖະທູດຈີນປະຈຳລາວ,

ໃນວັນທີ 28-30 ກັນຍາ 2023 ທີ່ຜ່ານມາ ກົມສ້າງຄູ ໄດ້ຈັດກອງປະຊຸມພັດທະນາເນື້ອໃນມາດຕະຖານການສອນ ຂອງຄູໃນສະຖານການສ້າງຄູ ທີ່ຫ້ອງປະຊຸມສະໂມສອນໄຟຟ້າ, ເມືອງແກ້ວອຸດົມ ແຂວງ ວຽງຈັນ. ໃຫ້ກຽດເປັນປະທານຂອງ ທ່ານ ເກດ ພັນລັກ ຫົວໜ້າກົມສ້າງຄູ ກະຊວງສຶກສາທິການ ແລະກິລາ. ກອງປະຊຸມຄັ້ງນີ້ມີຜູ້ເຂົ້າຮ່ວມທັງໝົດ 34 ທ່ານ, ຍິງ 7 ທ່ານ ທີ່ມາຈາກກົມສ້າງຄູ, ກົມຈັດຕັ້ງ ແລະ ພະນັກງານ, ກົມການສຶກສາຊັ້ນສູງ, ກົມປະກັນຄຸນນະພາບ, ສະຖາບັນຄົ້ນຄວ້າວິທະຍາສາດການສຶກສາ, ຄະນະສຶກສາສາດ ມຊ ແລະ ວິທະຍາໄລຄູ 8 ແຫ່ງເຊິ່ງປະກອບມີ ວຄ ຫຼວງນ້ຳທາ, ວຄ ຫຼວງພະບາງ, ວຄ ຄັງໄຂ, ວຄ ບ້ານເກິນ, ວຄ ດົງຄຳຊ້າງ, ວຄ ສະຫວັນນະເຂດ, ວຄ ສາລະວັນ ແລະ  ວຄ ປາກເຊ. ຈຸດປະສົງ

ໃນວັນທີ 25-29 ຕຸລາ 2023 ກົມສ້າງຄູ ຮ່ວມກັບຄູ່ຮ່ວມພັດທະນາ UNESCO Bangkok  ໄດ້ຈັດກອງປະຊຸມຄັ້ງທີ1: ການພັດທະນາໂມດູນການສອນວິຊາ ICT ໃນການຮຽນການສອນຂອງຫຼັກສູດສ້າງຄູ ທຸກຊັ້ນ-ທຸກສາຍ ໃນ ສປປ ລາວ ທີ່ວິທະຍາໄລຄູຫຼວງພຣະບາງ, ນະຄອນຫຼວງພະບາງ,​ ສປປ ລາວ. ໃຫ້ກຽດເປັນປະທານຂອງ ທ່ານ ອຈ ເກດ ພັນລັກ ຫົວໜ້າກົມສ້າງຄູ ກະຊວງສຶກສາທິການ ແລະກິລາ, ປະທານຮ່ວມ ທ່ານ ອຈ ຫຸມພັນ ຄອນສະຫັວດ ຜູ້ອຳນວຍການ ວິທະຍາໄລຄູຫຼວງພະບາງ ແລະ ທ່ານ ນາງ ນັນທະວັນ ຮາຍ ຜູ້ປະສານງານໂຄງການ ຈາກ UNESCO Bangkok . ກອງປະຊຸມຄັ້ງມີຜູ້ເຂົ້າຮ່ວມທັງໝົດ 31 ທ່ານ, ຍິງ 5 ທ່ານ, ເຊີ່ງໃນນັ້ນມາຈາກກົມສ້າງຄູ ກະຊວງສຶກສາທິການ ແລະ ກິລາ,